fynhrethibusnes.gov.uk/cymru Gwefan swyddogol y Llwodraeth

Parthau adwerthu

Os oes gennych siop nodweddiadol, mae’n debygol y bydd wedi’i ‘dynodi’n barthau’ fel ffordd o bennu’r gwerth trethadwy.  Bydd y parthau hyn yn ymddangos yn eich prisiad cryno fel Parth Adwerthu A, Parth Adwerthu B ac ati.  Mae dynodi parthau wedi’i seilio ar yr egwyddor bod rhan fwyaf gwerthfawr siop fesul metr sgwâr i’w gweld yn y man gwerthu y tu blaen, sef y man agosaf at fynedfa’r cwsmeriaid, a chan gynnwys unrhyw fan arddangos.  Mae hyn yn golygu bod tu blaen y siop yn fwy gwerthfawr na’r cefn.

Ym mwyafrif yr achosion, parth A tu blaen y siop ar lefel gerdded.  Fel arfer, mae’n 6.1 metr o ran dyfnder ac mae’r mesur hwn yn cyfateb â’r hyn a arferai fod yn 20 troedfedd.  Fel arfer, parth B yw’r 6.1 metr nesaf ac mae’n hanner gwerth parth A fel arfer.  Fel arfer, mae parth C, os ceir parth C, yn cyfateb â’r 6.1 metr nesaf ac mae’n chwarter gwerth parth A fel arfer.  Caiff gweddill y llawr gwaelod ei gyfrifo i ddangos y safle sydd ar ôl ar ôl cwblhau’r broses o ddynodi parthau.  Gellir mynegi safleoedd gwerthu a safleoedd atodol ar loriau eraill fel ffactor o werth parth A hefyd – er enghraifft, gallai safle storio mewn islawr fod yn werth ugeinfed rhan o werth parth A.

Gallai dyfnder pob parth neu nifer y parthau ar y llawr daear fod yn wahanol gan ddibynnu ar y cynllun prisio arbennig a ddefnyddir.  Dylech edrych i weld sut mae’ch eiddo wedi cael ei drin trwy troi at nodiadau'r cynllun prisio ar gais rhestr drethi Asiantaeth y Swyddfa Brisio.  Gellir gweld cyfeirnod y cynllun prisio yn eich prisiad cryno, gerllaw disgrifiad yr eiddo.